Como usuario/a dun porto deportivo, vostede tamén pode contribuír coa campaña Bandeira Azul:
- Siga as indicacións dos pictogramas adxuntos (que se achegan) e do persoal do porto ou praia.
- Contribúa a un desenvolvemento sustentable a nivel local. Compórtese de xeito responsable e aforre auga, combustible e electricidade.
- Axúdenos coas súas críticas e suxestións a manter o nivel de calidade ambiental desexable. Diríxase a ADEAC, por correo, fax ou e - mail, incluíndo: nome da localidade e da praia ou porto Bandeira Azul, data, hora, problema detectado ou suxestión de mellora e dirección de contacto para responderlle.
Nos portos deportivos, existe outra posibilidade de participar a nivel individual na campaña Bandeira Azul . Existe a posibilidade de conseguir unha Bandeira Azul para embarcacións.
¿Como obter a Bandeira Azul para embarcacións?
Os patróns de embarcacións interesados en colaborar coa campaña Bandeira Azul, son os que deberán solicitar este galardón.
- Manifestar interese pola campaña nas oficinas do porto, para que aquí se lle dea toda a información necesaria sobre a campaña, o que inclúe o código de conduta no mar Bandeira Azul .
- Os interesados deberán comprometerse a actuar de xeito reflectido no código de conduta, mantendo unha actitude de respecto e coidando do medio mariño. Dando exemplo a outros patróns e animándolles a cumprir o código de conduta, denunciando os excesos e as malas prácticas doutras embarcacións.
- O porto enviará unha documentación acreditando os méritos do patrón e certificando que cumpre coa campaña. Esta información será analizada por ADEAC - Fee. Se ADEAC entende que o patrón é merecedor, poderá obter unha Bandeira Azul para a embarcación.